जसा रागलोभास त्यागून आलो_मराठी गझल_सतीश मालवे मुऱ्हा देवी_satish malve गुलाबीगझल
जसा रागलोभास त्यागून आलो
तसा बुद्ध साक्षात पाहून आलो
निरागस मुलांना हसवतो कशाने
विधात्याकडे हे विचारून आलो
बहाणा नको आज शोधूस मित्रा
तुझी भेट घेण्या स्वतःहून आलो
मला ओळखीचा न आवाज आला
उगा कान भिंतीस लावून आलो
कशी झोप येईल माझ्या जिवाला
उपाशी पिले आज निजवून आलो
जसे रान सुकले तुझ्या अंतरीचे
फुलवण्यास त्याला नभातून आलो
किनाऱ्यावरी पापण्यांच्या निघाले
जरी दुःख डोहात बुडवून आलो
- सतिश मालवे मुऱ्हादेवी, अमरावती
Satishgmalve@gmail.com
