माझ्याकडे भलेही माझे शिवार नाही_समजू नका तरीही मी कास्तकार नाही_मराठी गझल satishgumalve
माझ्याकडे भलेही माझे शिवार नाही
समजू नका तरीही मी कास्तकार नाही
विस्तार फक्त माझा यानेच शक्य झाला
मी संकुचित कधीही केला विचार नाही
येईल का दऱ्यांचा अंदाज आपल्याला
या जीवनात आला जर चढउतार नाही
वाढीव वेतनाची आशा मनात आहे
होतील पूर्ण गरजा इतका पगार नाही
आयुष्य पूर्ण माझे यानेच खर्च झाले
व्यवहार जीवनाशी केला उधार नाही
पक्षी बनून इच्छा घेते गगन भरारी
(घरट्यात काळजाच्या बहुधा बहार नाही)
"मी थांबवू कशाला ही वाटचाल माझी"
हे कालचक्र देवा जर थांबणार नाही
- सतिश गुलाबसिंह मालवे
मुऱ्हादेवी, अमरावती
मो.9527912625
कोणत्याही टिप्पण्या नाहीत:
टिप्पणी पोस्ट करा
मराठी गझल ही तळागळापर्यंत पोहचावी यासाठी गुलाबीगझल कार्यरत आहे. स्वतःची प्रामाणिक राहून मराठी गझलेलची सेवा करावी आणि गझलेला पुढे नेण्याचे प्रयत्न व्हावे. ही सदिच्छा त्यामुळे इथे आपल्या सहकार्याची गरज आहे. कृपया इथे कॉमेंट करताना कुणाच्याही भावना दुखणार नाहीत याची काळजी घ्यावी. धन्यवाद!!