नाही दिसत कुठेही शोधून पाखरू_मराठी गझल_सतिश_मालवे_satishmalve

नाही दिसत कुठेही शोधून पाखरू_मराठी गझल_सतिश_मालवे_satishmalve

नाही दिसत कुठेही  शोधून पाखरू

बसले कुठे असावे  जाऊन पाखरू

वाटत असेल त्याला परदेश चांगला

गेले स्वदेश म्हणुनी सोडून पाखरू

ओसाड काळजाचे जंगल पडायचे

जर लावले मनाचे हुसकून पाखरू

यानेच तू  उपाशी  मरतोस  पारध्या

भावूक  होत  जातो  पाहून  पाखरू

आली तुझ्याबरोबर खेळायला मुले

दे  मस्त  कागदाचे  बनवून पाखरू

- सतिश गु मालवे

मुऱ्हादेवी