मराठी गझल_दिवसरात्र हल्ली विचारात असतो_गुलाबीगझल_सतिशसिंह मालवे
दिवसरात्र हल्ली विचारात असतो
अनोख्याच एका प्रवासात असतो
किती आर्ततेने मला ती म्हणाली
तुझ्यासारखा फक्त स्वप्नात असतो
मला चेह-याने भुरळ घातली ज्या..
अता चेहरा तोच स्मरणात असतो
कधी या ठिकाणी कधी त्या ठिकाणी
मनाच्या गतीने कवी जात असतो
कुणाचे समर्थन करू सांग आता
कुठे मी कुणाच्या विरोधात असतो
नदीचे उगमस्थान शोधू कशाला?
तिच्या आसवांच्या प्रवाहात असतो
कोणत्याही टिप्पण्या नाहीत:
टिप्पणी पोस्ट करा
मराठी गझल ही तळागळापर्यंत पोहचावी यासाठी गुलाबीगझल कार्यरत आहे. स्वतःची प्रामाणिक राहून मराठी गझलेलची सेवा करावी आणि गझलेला पुढे नेण्याचे प्रयत्न व्हावे. ही सदिच्छा त्यामुळे इथे आपल्या सहकार्याची गरज आहे. कृपया इथे कॉमेंट करताना कुणाच्याही भावना दुखणार नाहीत याची काळजी घ्यावी. धन्यवाद!!