स्वप्नांचे दिवे_मराठी गझल satishgmalve
असावी रात्र एखादी जिवाच्या आत माझ्या
जळत आहेत स्वप्नांचे दिवे डोळ्यात माझ्या
मला नाचायचे नाहीच तालावर कुणाच्या
उगाचच घुंगरू बांधू नका पायात माझ्या
मनाचे आजही या मोकळे आकाश होते
स्मृतींची पाखरे जेव्हा जवळ येतात माझ्या
जमू शकणार रोपांना अता मातीत रुजणे
नभाने कार्यशाळा घेतली शेतात माझ्या
फरक नाही पडत एखाद इच्छा मारल्याने
अशा कित्येक इच्छा मारल्या गेल्यात माझ्या
फुलांचा वारसा घेउन गझल आली असावी
सुगंधी शेर हल्ली भोवती फिरतात माझ्या
बिघडते मन तुझे माझ्याबरोबर राहिल्याने
तरी का राहतो आहेस सानिध्यात माझ्या
- सतिश गुलाबसिंह मालवे
कोणत्याही टिप्पण्या नाहीत:
टिप्पणी पोस्ट करा
मराठी गझल ही तळागळापर्यंत पोहचावी यासाठी गुलाबीगझल कार्यरत आहे. स्वतःची प्रामाणिक राहून मराठी गझलेलची सेवा करावी आणि गझलेला पुढे नेण्याचे प्रयत्न व्हावे. ही सदिच्छा त्यामुळे इथे आपल्या सहकार्याची गरज आहे. कृपया इथे कॉमेंट करताना कुणाच्याही भावना दुखणार नाहीत याची काळजी घ्यावी. धन्यवाद!!